張智霖拍真人騷冇錢落袋
張智霖（Chilam）、蔡卓妍（阿Sa）及周勵淇（Niki）昨日出席文化節活動時，Chilam透露工作完畢即往拍攝內地真人騷《妻子浪漫旅行》。提到老婆袁詠儀自爆獨自旅行時想起老公落淚，他說：「佢一時感觸。（你會分享感人事？）未拍完，開頭以為好簡單，但要睇晒佢去旅行嘅片段，唔係想像中咁輕鬆。」並自爆似做義工：「啲錢佢（袁詠儀）袋晒咁滯。」
至於阿Sa再次否認今年結婚：「我不嬲唔急，係你哋成日催我，真係吹脹。」隨即自爆準備在港「雪卵」。她坦言已服食保健品數月，之後要連續10日打賀爾蒙針：「諗起打針就驚，要自己打落個肚度。」問到男友石恆聰有否給予意見？她說：「我嚟自阿媽，第一個要問嘅係阿媽，佢話OK。」她選擇在港雪卵，因一定要婚後才可「使用」：「咁對小朋友嚟講有一個完整家庭。」身旁的Niki則說：「我試咗自然有先，咁我有個人（老公）喺度唔好嘥。」