秋生連掃五獎：唔可以囂

影帝黃秋生現身紅地氈，提到主演的新片《淪落人》在日本《第14屆大阪亞洲電影節》中獲得「觀眾之選獎」，是由觀眾投票選出，亦是他至今第5個憑該片獲得的獎項，他笑言：「係咩？我之前喺東京喎，做乜唔請埋我過去。（連攞5個獎咩感受？）好唔真實，要小心啲，唔可以囂，返屋企要跪低祈禱，將榮耀歸於上帝，要有謙卑嘅心先可以。」
攞獎攞到手軟的秋生，把榮耀歸於上帝。
攞獎攞到手軟的秋生，把榮耀歸於上帝。

問到得獎後有否多了電影片約？他說：「暫時都未有，不過自己都好多嘢搞，會有舞台劇，又會同林海峰有個棟篤笑，相信都會幾忙。」講到早前在東京拍廣告，他說：「今次去咗個茶園，裏面有用茶糠整嘅茶，整出嚟嗰啖茶到依家都好難忘，係我呢世仔飲過最好飲嘅茶。」

此外，《第14屆大阪亞洲電影節》共有三部港產片入圍，其中由蔡卓妍（阿Sa）主演的《非分熟女》亦有入圍，但未有獲獎。

韓國女星金圭麗一身閃閃貼身晚裝，優雅迷人。
  • 韓國女星金圭麗一身閃閃貼身晚裝，優雅迷人。
杜德偉型仔打扮現身。
  • 杜德偉型仔打扮現身。
日本影帝渡邊謙來港出席盛會。
  • 日本影帝渡邊謙來港出席盛會。