謝盈萱廖子妤 變身小粉絲
金馬影后女星謝盈萱來港出席頒獎禮，與台灣男星邱澤一同擔任嘉賓，頒發「最佳視覺效果」。問到想與哪位演員合作？她即化身「小粉絲」，興奮說：「我好鍾意《小偷家族》入面嘅安藤櫻，亦都因為呢套戲而成為佢嘅粉絲，我已經Follow咗佢嘅Instagram。（現場見到佢會唔會合照集郵？）當然會，要拜託邱澤幫我揸機。」
同場的女星廖子妤亦笑言藉此機會一睹偶像陳冲的風采：「今次好開心，可以見到喜歡嘅演員同導演，尤其係陳冲，好想同佢合作，我好欣賞佢，佢既係演員又係出色嘅導演，我希望好似佢咁，我視佢為role model（榜樣）。」負責頒發「最佳造型設計」獎的她，以破格西裝造型亮相，她直言感滿意：「我覺得可以駕馭自己嘅造型，公司畀我好大自由度，自己可塑性都幾高，有時打扮係隨自己心情。」
