張敬軒狂飲補湯 笑媽咪係女巫
歌手張敬軒昨日舉行新曲集郵日活動，現場與粉絲互動，又玩造型又跳舞，期間軒仔在兩粉絲眉上「點睛」，笑謂要在男粉絲的「行運鼻」上加幾筆，他忍不住笑說：「本來想加深佢鼻形，點知畫完出嚟變『男人的驕傲』。」除了整蠱粉絲，軒仔亦自娛大家，將「假肌肉」放上身，教兩名男粉絲擺出大隻佬Chok甫騷肌，相當搞笑！
軒仔提到之前誇下海口說新歌《YOU》MV若網上點擊達200萬，將會半裸上身跳舞，他笑言現有點淆底：「因為未練好個Body，費事到時一堆堆救生圈出晒嚟，畀啲時間我，教練話加操1星期4堂，有日操到差啲休克咁滯。等夏天啦，應該見得人嘞，所以我未驚過！」
他又稱母親日前來港探望，留港兩日煲了不少補湯給他：「佢成日煲海馬湯畀我補腰，又試過煲紫河車、蠍子嗰啲。如果我阿媽係哈利波特嘅年代，佢應該係女巫，因為佢好多偏方煲畀我飲。」