金鈴仔女品學兼優 「讚」番嚟

金鈴的子女聰明乖巧，可能因她經常在旁讚美鼓勵，讓小朋友充滿自信心：「好多家長同我分享，話我嘅囝囝囡囡好乖好叻，但自己嗰個就好曳。其實如果成日將小朋友同人比較，反而會影響佢哋嘅成長，我覺得真係要去學識欣賞自己嘅小朋友，冇任何一個小朋友係一模一樣，我哋要欣賞佢哋、讚美佢哋，當你用愈嚟愈多嘅正能量去影響佢哋嘅時候，你發覺原來小朋友就會循住正能量嘅方向發展。」

互相檢討 有錯道歉

除了讚美，金鈴坦言作為父母有時都會出錯，所以她會主動向子女道歉，並互相進行檢討：「作為一個媽媽，係要不斷學習不斷努力，過程中我都有時會焦慮、不安，有時見到兩個小朋友失控，我自己情緒都會失控，所以我每晚都會同佢哋檢討番，媽媽有咩地方要改善，佢哋又有咩可以做得更好，咁先可以一齊進步。」她續指以前生活節奏急速，但自從有了小朋友之後，讓她慢慢學會放慢步伐，享受生活美好的一面，欣賞沿途怡神的風景。

育兒「感」言

安全感：

媽媽要給予小朋友安全感，任何時間及場合都要感受到愛和支持，從而建立信心迎接挑戰。

成就感：

用心鼓勵及支持，小朋友每天都在學習，每天都在進步，家長要欣賞及感恩小朋友好的一面。

幸福感：

小朋友生日、復活節、中秋節、聖誕節、母親節、父親節或小朋友畢業等，從慶祝中讓小朋友感受到幸福。