吳業坤節食瘦身不瘦胸
歌手吳業坤昨日現身商場宣傳四月底舉行的《和懷念講再見音樂會》，現場率領四位年輕人合唱，本身四月中在紅館開騷，之後再舉行這個小型音樂會，他笑說：「一係唔嚟，一係打孖嚟，開心嘅，要宣傳新歌，搵咗呢班知音人做小型音樂會，自己做埋音樂監製。」
現場播放早前他與何浩文到蘭桂坊街訪收集每個人講人生有何遺憾，他讚街訪好玩，強調當晚好正經，做完就離開。問到他有甚麽遺憾？他說：「點解唔早啲節食，真係幾辛苦！如果早半年節食，就唔使依家咁慘！距離目標仲爭五磅。（會唔會瘦到連胸都冇埋？）瘦身不瘦胸，希望畀大家眼前一亮！」他稱小型音樂會會兼顧幕後，自言有少少做前輩的感覺：「一直有諗，成日見到啲幾有潛質嘅靚仔靚女，好想一齊合作，想幫有夢想嘅人。」