鄧達智花80萬抗癌再爆膝痛

時裝設計師鄧達智（William）於去年驗出患前列腺癌二期，腫瘤約1cm大，至三月初做手術切除，出院返家休息三天後，昨日他已復工返電台開咪，見他清減不少及臉帶倦容，他解釋前一晚睡得不太好：「其實做完手術已經瘦咗4KG，因為手術前一日禁食，做咗八個鐘手術，翌日亦要禁食，第三日淨係飲水，第四日都只係食粥，都好嘅，乘機畀我排吓毒。」由於癌細胞沒有擴散，手術後毋須做化療，他重提2014年患上乙狀結腸癌二期，雖然無擴散不用打化療針，但要食化療藥，令他脫髮，十分辛苦，故今次毋須打針及食藥，十分感恩。