考獲潛水牌！楊秀惠鯊魚伴游喊驚

藝人楊秀惠早前去了馬爾代夫旅行兼學潛水，她坦言多年前試過潛水，但落到兩米深的水底時，教練叫她嘗試除下呼吸器後，她嚇得即時返回水面，之後不敢再潛。談到終於的起心肝去考牌，她受訪時說：「我有一班朋友潛水好叻，得我一個唔識，呢幾年佢哋成日去唔同地方潛水，得我一個冇得Join，佢哋就叫我快啲克服，以後就可以一齊去潛水Trip。」問到正式考牌未？她說：「考到嘞！其實學嘅期間我都好驚，每朝都好想放棄，最驚係要喺4米至8米位置除咗面罩同呼吸器，邊學邊驚。」
楊秀惠摸過魔鬼魚，好滑o架！
楊秀惠摸過魔鬼魚，好滑o架！

摸魔鬼魚嗌滑

學習過程辛苦，但秀惠總算感受到潛水的樂趣：「水底世界真係好靚，似喺水族館咁，成個人好Relax同開心，有次啲朋友去咗深水地方潛，我自己喺十幾米深度潛，由於水流太強，教練要落鈎穩定位置，喺嗰陣我見到三條鯊魚喺面前來回不停咁游，教練話係鯊魚媽媽帶住兩條BB，嗰種感覺係好驚、好興奮，真係好難忘。」

此外，秀惠又看職員餵魔鬼魚，雖然魚身有刺，但她都膽粗粗去摸，笑言：「真係好滑！但只係敢摸一下！」

楊秀惠潛水時巧遇海龜，當然合照留念。
  • 楊秀惠潛水時巧遇海龜，當然合照留念。
楊秀惠密實防曬，睇頭欠奉。
  • 楊秀惠密實防曬，睇頭欠奉。