陳瀅咀余德丞鼻都歪埋

陳瀅劇中身份被揭，發晦氣剝衫咀余德丞。

陳煒、陳瀅、江嘉敏、徐榮及莊思明等，昨午到啟業邨宣傳無綫新劇《福爾摩師奶》，席間陳煒搞笑重演前晚播出掌摑陳瀅一幕。

劇中陳瀅「色誘」反串的陳松伶外，又與江嘉敏大玩「She She誘惑」，日前播出二人床戲貼面談心，陳瀅笑說：「當時我哋貼得咁近，連對方嗰日食過啲乜都知。」談到劇中主動咀余德丞，更咀到鼻都歪，她笑言對方拍攝時諸多投訴，江嘉敏踢爆：「但佢同我講你好好咀喎！」陳瀅笑答：「邊有男人咁講嘢o架？」

陳煒摑得人多終捱打

另外，劇中飾演包租婆的陳煒，講到怒摑「租客」陳瀅一幕，她說：「因為拍《宮心計2深宮計》摑得人多，依家知道一Roll機即刻摑落去，等對手未準備好，（反應）就最自然，唔使NG。（最記得邊次摑對手？）咁要講番亞視年代，有次要潑甄志強水，然後再摑佢一巴，但係潑水位置失準，諗住摑大力啲補番，點知我一摑，全場鴉雀無聲，甄志強塊面就有五個手指印！」她笑言4月底接了一部電影，反過來要遭對手拳打腳踢，雖然暫未可透露「打人者」，但她知道是男演員，心情已開始緊張。

余德丞、陳瀅	陳煒重演掌摑陳瀅一幕，大搞氣氛。	江嘉敏與陳煒講緊咩咁好笑呢？
《福》劇掀估兇手熱潮，眾演員落力宣傳。