兩兄弟開拉麵店 泳漢泳豪緊張𥄫實裝修
藝人李泳漢與胞弟李泳豪昨日現身旺角為二人有份投資、即將開張的拉麵店打點，見他們在店內細心視察裝修進度，更一臉緊張與裝修師傅商量，期間還揭開店舖外仍封上紅紙的招牌來研究，泳豪即用手機拍照，他們隨後又檢查門外的燈籠等裝飾擺設，逗留半個多小時才離開。
對於與泳豪兄弟檔拍住上做生意，泳漢說：「係呀，同細佬係第一次合作做生意，但唔擔心會有拗撬，一向有商有量，最近為咗忙新店開張連瞓都冇時間，不過自從有對仔女之後，我都練習到唔使瞓o架喇！其實冇得瞓都唔緊要，最多辛苦啲啦，始終自己生意要親力親為。」
至於泳豪坦言與哥哥合作也不擔心有拗撬：「反而可以互補不足添！（驚唔驚又拍劇又開新店時間兼顧唔到？）好彩拍《愛．回家之開心速遞》時間好穩定，都遷就到。（冇時間拍拖？）連瞓都冇得瞓，梗係冇拍拖啦！我成日話自己單身都冇人信。」
