祖兒勝利合作叫停：絕不接受不道德行為！

首屆《KKBOX香港風雲榜頒獎典禮》前晚假會展舉行，出席歌手包括天后容祖兒、謝安琪、張敬軒、陳柏宇、李幸倪、台灣歌手蔡健雅、盧廣仲及韓國歌手SHAUN等。當中祖兒壓軸登場，以露腰螢光黃色西裝打扮現身，她與勝利最近合作新歌《Pretty Crazy》，原定在典禮上首度合唱，惟勝利日前宣布退出演藝界並取消來港，令她要獨自演出。

好友心急牽紅線

祖兒無奈指收到消息感可惜，並宣布是次合作叫停：「過去呢個月佢都好忙，我覺得好遺憾。對我嚟講佢係一個好有才華嘅藝人，自己都好期待同佢合作，呢刻希望佢快啲冇事。」惟勝利的事件持續發酵，在網上惹爭議，祖兒昨日在微博發文道歉：「一直忙於排練，聽說發生了事情，但不知道已經發展到這麼嚴重。訪問引起大家誤會，十分抱歉。對於任何不合法不道德的行為，我是絕對不接受、不認同、不支持的！以後我也會更加關注時事及謹言慎行。」

至於講到好姊妹鍾欣潼（阿嬌）自爆在金童玉女殿點燈，為她祈求愛情運，祖兒聞言即大笑稱要多謝阿嬌：「佢話佢點完就結到婚，雖然呢啲嘢我唔係咁信，但佢係比較緊張少少，成班都皇帝唔急太監急，只要見到有未婚、年齡合適就話好，不過有時見到佢哋咁都好開心。」

軒仔Chok爆唱新歌，自嘲只係跳線歌手。	曾樂彤玩甜美風，舉V賣萌。	Gin Lee趷籮表演招牌椅子舞。

預告露肉找數

活動上由軒仔打頭陣演出，首次化身跳唱歌手演唱新歌《YOU》的他自嘲是「跳線歌手」，又大爆新歌製作費用了近七位數。問到練舞可有順便減肥？他笑說：「去咗幾磅水，脂肪未減。」之後更許下承諾，指MV點擊率如果破200萬，將赤膊穿平腳泳褲「找數」！問到現時可有Keep住操弗？他抵死食字，笑言全身都「粗」：「咁都有『操』嘅，我嘅目標係年尾個演唱會表演打鼓，唔好『骨杉杉』。」可會跟好友關智斌操練？他即詐傻扮懵，笑指對方睇落「瘦蜢蜢」，不知他平時有操練：「佢啲問題問番佢啦！雖然同公司，但我哋好少見o架！」

盧廣仲（圖）及陳柏宇都自彈自唱。

陳柏宇