沈卓盈與圈外男友結婚，其「少婦聯盟」姊妹龔嘉欣、陳凱琳及譚凱琪（Zoie）均替她高興，貴為單身盛女的嘉欣接受電話訪問說：「好戥佢開心！一早都估到，佢有暗示過畀我哋聽，但我哋好識做，冇踢爆佢，我知佢同男友相處係好好，好錫佢，依家係一個好好嘅Timing。（幾時到你？）我要排最尾嗰個，讓Zoie先，叫佢男友快啲求婚啦！」
Zoie亦送上祝福，對於無端端被嘉欣催婚，她笑說：「呢啲嘢話唔埋，到時可能一齊呢！」至於陳凱琳表示得知喜訊後相當高興：「同佢另一半見過幾次，成日喺佢口中聽到好Sweet！好開心見到佢着婚紗呢刻，希望同我一樣快啲生BB啦！」