沈卓盈布吉秘嫁

34歲的藝人沈卓盈早前離開無綫向外發展後，事業順利，每當提到拍拖3年、從事內衣生意的男友Calvin婚事時，一直表示有好消息便會通知大家，更漏聲氣會隨時「閃」婚。昨日，Jess突然在IG晒婚照，初時以為她只是公布即將結婚，但原來兩人已於2月16日在泰國布吉秘密結婚，令人驚訝，由於接近情人節，婚禮倍添浪漫，不過送嫁的姊妹團竟然不是「少婦聯盟」成員，而是何傲兒和陳自瑤等人。婚禮中，Jess穿着婚紗及傳統裙褂，在甜蜜浪漫氣氛下，與Calvin訂終身。

出動南瓜車 圓公主夢

Jess在IG留言：「從不期望驚天動地的愛情，只求細水長流的甜蜜。不知不覺間原來我們的緣分源於十年前的一面……再一同走向人生的新一頁，成為相依相伴的伴侶。」婚照中，向來有睇頭的她穿上超Deep V婚紗，騷胸又晒長腿，非常養眼。

昨日新娘子接受電話訪問，提到布吉婚禮，她只賣關子說：「多謝大家關心，有乜嘢聽日活動再同大家講。」又透露Calvin上年中向她浪漫求婚，年尾時秘密去了法國和英國拍攝婚紗相，兩人更在巴黎鐵塔下相擁合照。

沈卓盈和Calvin浪漫相擁，立下盟誓。	兩人於巴黎鐵塔下面貼面。	老公出動「南瓜車」，好讓沈卓盈圓公主夢。

問到求婚過程，她笑言：「留番少少秘密畀我哋啦！我好鍾意法國，佢又鍾意英國，所以揀咗呢兩個地方。」Jess準備了四套不同地方包括以色列及紐約的婚紗，她說：「啲婚紗係我揀嘅，驚寄失，所以自己託運過去。成個行程8日，我哋有兩日影相，每日影足12個鐘，但覺得好開心，Calvin好唔習慣對鏡頭，好緊張，我惟有不停指導佢擺甫士，不停引佢笑。」

原來兩人一年前去過巴黎，當時Calvin在寒風中替她影相：「佢好細心，影到隻手紅晒、紫晒，真係好感動，我當時都許咗個願，希望將來可以喺巴黎鐵塔下影婚紗相，依家願望成真，好開心。」Calvin更秘密準備了南瓜馬車，Jess興奮說：「我嗰日係完全唔知（口架）！見到真係嘩一聲，自己就好似公主咁，感覺好夢幻！（咁畀滿分老公啦！）如果滿分120分，我會畀100分，等佢有進步空間。」

事業為重 生B講緣分

問到會否再在香港擺婚宴？她表示未定，有好消息會通知大家。講到是否趕生B，她說：「我覺得呢一刻以事業為重，生B要講緣分。（離開無綫因為要結婚？）唔關事，純粹為自己事業，今年所有嘢對我嚟講都係好嘅轉變。」