何弘軒蠱蠱惑惑高3吋
歌手何弘軒、安俊豪及徐加晴等前晚出席音樂會，同場有校花校草比賽的參賽者。何弘軒自爆中三、四時選過校草：「同學send我張相去提名，之後我又好唔知醜咁去interview，當然最後落選，因為自己真係唔靚仔，又唔夠高大。」他笑言平時會用增高鞋墊：「今日都有用，加咗3吋高，因為其他男仔好高大，驚拍埋去睇唔到我。」
至於徐加晴自嘲讀書時超醜樣，曾被同學叫「四眼龜」：「我有成千度近視，啲鏡片搞到我隻眼好細。」又笑言讀書時參加過歌唱比賽：「當時父母有拍片，但我真係太醜樣，好想銷毀條片。（結婚嗰陣可以播。）都得，或者紅館開騷先播。」