莫家淦每事問 啟發囝囝思維
無綫藝人莫家淦（Keith）的3歲囝囝莫朗翹（Keanu）精靈活潑、口齒伶俐，深受網友歡迎，去年更成為童星，參演劇集《BB來了》。Keith表示從小訓練囝囝的溝通技巧：「由佢未學識講嘢、到慢慢愈嚟愈大，我都習慣同佢講好多嘢，不停咁問佢問題。初時佢未必識講、識反應，亦可能唔明我講咩，但係久而久之，發覺我哋同佢傾得多之後，佢嘅邏輯思維同認知能力，係相對地發展得比較快。」
「弟弟」變哥哥
Keith早前宣布即將再做爸爸，雖然Keanu快將成為哥哥，但原來親友之間一直稱呼他為「弟弟」，Keith笑說：「佢英文名係Keanu，所以我哋本身諗住叫佢做『nu nu』，但後來因為佢喺表兄弟姊妹當中最細，啲表哥表姐又唔係大佢好多，唔識嗌『表弟』，淨係叫到『弟弟』，慢慢就大家都叫佢做『弟弟』。佢亦好鍾意呢個名，平時要叫佢『弟弟』先會應人。」
育兒小貼士
想啟發小孩腦部潛能？莫家淦醒你兩招！
減少電玩
減少給小孩玩電子遊戲，讓他們習慣與人相處及互動，加強溝通能力。
親子按摩
按摩全身可刺激腦部發展，有助提升小朋友語言及認知能力。
