蘇志威銀禧紀念影婚照
藝人蘇志威昨日到婚博，為自家禮服品牌擔任限定店長，即場為準新郎配搭禮服之餘，更給予6折優惠：「回饋番大家支持。（今年盲年怕唔怕影響生意？）係咩？我不嬲唔理，好少睇呢啲，生意都幾穩定，盲年、旺年嘅影響幅度對我哋嚟講唔大。」
他亦直言希望品牌稍後可以北望神州：「發展大灣區嘅生意，希望第一站可以去廣州先。」問到之後可有意與太太影多輯婚紗相？他坦言：「我好少搞呢啲周年紀念，或者3年後啦，2022年係銀禧紀念，結婚25周年可以影番輯靚相。」他又指記得當年嫌男士禮服不夠靚，所以才想發展這門生意，講到有不少圈中人都發展禮服生意，他表示：「始終我哋開得耐有着數，啲客睇到我個樣話有信心保證。」