識得2日嫩男拎支票求婚 康華嫌浮誇
47歲的康華單身十年，在電台節目中自爆，入行後拍過四次拖，更被前度嫌太悶，她說：「曾經有個男朋友，分手後我問佢點解，佢話我好悶，後來我知自己係有呢個問題，淨係掛住做嘢，唔多說話又唔識撒嬌，但我依家開始識o架啦。」
她自覺戲裏戲外給人很大反差感，導致成為異性絕緣體：「MV導演都話我怪怪，話啲男仔唔會同我一齊。」不過她自爆曾有不少人向她求婚，試過有個內地嫩男，跟她認識十五分鐘就追求她，翌日還向她求婚，她說：「佢拎住一張支票向我求婚，話『走吧！我們去買戒指！』呢啲做戲先會出現，現實係好不切實際，真係接受唔到。」