陳家樂慌張面紅推衛詩雅遮醜

傻笑
家樂得知與「女友」陳瀅同場，即怕醜面紅。

藝人陳家樂、陳瀅及衛詩雅昨晨參加慈善越野跑，但家樂事前不知「女友」會現身，愕然反問：「係咩？佢嚟咗？」身旁的詩雅爆笑，家樂即出手推開她，詩雅大笑說：「入行以嚟我係冇（緋聞），想睇吓咁突然要畀咩反應，你塊面好紅呀！」滿臉通紅的家樂急忙扯開話題，詩雅繼續取笑：「緋聞係假o架嘛？唔係真嘅！」家樂怕醜地再度出手，並裝作大方說：「陣間見到同佢（陳瀅）影相Say Hi！」唯陳瀅現身時，家樂即煞有介事，與對方擦身而過縮沙拒合照，更將兩人關係「降呢」：「我同佢係普通朋友。」陳瀅聽到家樂提起她瞬間面紅，笑問：「係咪佢跑咗一輪先咁紅？」

Stephy迴避舊愛合作

而同場的過氣「拖友」鄧麗欣（Stephy）及方力申，未有重現去年在活動上的經典握手，今年只影大合照。對盛傳兩人是今屆金像獎司儀之一，鄧麗欣笑言有好多朋友詢問：「我睇見都嚇親，大會之後都澄清咗。」如果大會邀請可會答應？她尷尬說：「我諗大會唔會咁做，冇乜必要咁樣轉移大家視線。」反而帶腳傷上陣的小方直認最初相當興奮，更度定司儀稿，其後得知真相大感失望︰「好想做，可以着得好型。（興奮同Stephy拍檔？）唔係，拍邊個都想做。（孖住自薦？）自薦就唔馨香，一定要被邀請。」

滅聲 被衛詩雅追擊緋聞，家樂慌張「動武」。	速閃 聲大大話影合照的家樂，一見「女友」即縮沙。	相比家樂的慌張失措，陳瀅淡定得多。

小齊為復拍做準備

而以榮譽顧問身份出席的任賢齊，談及由涉性侵案的鈕承澤執導的電影《跑馬》傳出秘密復拍，小齊指目前情況好亂，劇組已解散，目前未知最後決定，傳他有意做「白武士」，他坦承都有準備，若需要時會注資。

任賢齊不排除為停拍的新片做「白武士」。

Stephy（右）與方力申（前）影大合照時，相隔多位「電燈膽」。