張景淳愕然：有叫佢堅強！
對於呂慧儀宣布離婚，與她合作無綫處境劇《愛．回家之開心速遞》的演員大感錯愕，在劇中跟她演歡喜冤家的「龔燁」張景淳直言：「聽到有啲愕然！佢平時開工都有講有笑，Cut機後都係差唔多，有時自己靜靜睇劇本。（佢平時多唔多提屋企嘢？）平時佢經常會提『蟹籽』（呂慧儀兒子）。」問會否傳短訊安慰？他說：「有叫佢Be strong，不過佢未覆，我諗佢都想靜吓，開工見到再關心佢。」
滕麗名：陪佢多啲
滕麗名亦坦言對消息感突然：「從來都冇諗過，我真係覺得好突然，當然亦覺得好可惜，希望佢唔好唔開心啦，我哋會支持佢！（有冇察覺佢情緒有異樣？）我放完假啱啱先返，冇察覺到有嘢。（點樣安慰佢？）陪佢多啲、傾吓偈同食吓飯，等佢開心吓。」飾演呂慧儀妹妹的蘇韻姿則說：「我啱啱先知呢個消息，之前一直冇聽佢提及過。依家最緊要係佢冇事，希望佢OK！我都會尊重佢嘅私人空間。」
