被老公寸「肥」石詠莉罷工！

歌手石詠莉昨日到電台受訪時竟呻「死期到」，原來是錄歌進度不似預期，搞到老公鄧健泓很大壓力：「有時佢睇到我啲訪問，會話我講首歌講得唔好，多謝佢提我嘅。」問到最不滿老公的「指點」是甚麼？她說：「肥！佢會用埋啲好衰嘅語氣，問佢又會話『你最近冇肥啊，但你肥咗我都會咁愛你』，即係話我肥咗啦！（點對付佢？）煮少餐飯畀佢食。」又透露早幾日被老公激親：「為咗送畀DJ嘅USB，我諗住整啲絲帶包裝靚啲，但佢好冷漠咁講話好Over，佢咁講完我咪入房瞓！點知瞓瞓吓佢就錫醒番我講Sorry。」