林子祥音樂劇約埋阿旦派情歌
殿堂級歌手、現年71歲的林子祥（Lam）今年再踏紅館，首度以Musical演出，除了因為喜歡音樂劇外，最大原因是多年來儲了不少抵死情歌，如今大派用場，早前他遠赴英國與鄭丹瑞（阿旦）拍攝特輯，為5月3至7日舉行的《林子祥LAMUSICAL 2019演唱會》做準備，在英國長大及讀書的他說：「讀書時已經鍾意睇Musical，不過冇錢睇，因為睇一齣歌劇好貴。」
阿Lam的歌曲陪住港人成長，耳熟能詳，難怪他直言有足夠歌曲砌成一個故事，毋須另外創作新古仔。對於今次以生命和愛情做主題，他坦言能讓觀眾更易投入：「好多歌手嘅歌都係講呢幾樣，但我多咗啲抵死嘅情歌，好似早年我寫咗好多抵死嘅英文歌，例如點解娶老婆之類，跟住同霑叔（黃霑）合作，我用英文寫咗意思，佢改做廣東話仲抵死。」
他笑指香港歌手好着數，因為唱得又識做戲，這亦是他想做音樂劇的原因：「我好似導演拍緊一齣戲，用我啲歌帶動故事同演員。」而阿旦更被欽點，將參與演出音樂劇，他笑言要開始練歌。