Kendy浸水拍MV凍到嘴唇震
組合Robynn & Kendy昨日到電台宣傳新歌《明陣》，並指「明陣」是迷宮的意思，比喻人生可能會在迷宮中，只要繼續行總會找到出口。MV中Kendy要與大蜥蜴做對手戲，又要浸凍水：「要浸落浴缸入面染咗黑色顏料嘅水，我問導演有冇煲水，點知冇，所以好凍，我咪嘴咪到嘴唇都震，浸咗半個鐘至9個字，好彩啲水一洗就甩。」
問到Robynn是否輕鬆很多？她笑言：「我都有隻動物，就係雀仔，但淨係呆望住佢就得。」問到成為人妻是否很開心？她笑言：「好開心！終於完晒婚事啲嘢，可以做番音樂。（幾時度蜜月？）未計劃，因為一返嚟就即刻做嘢，所以蜜月遲啲先。」