蘇施黃做廳長跌親 栗子蛋糕氹佢開心
金燕玲與同性密友蘇施黃有長達14年的伴侶關係，金燕玲認識阿蘇，是在經歷兩段婚姻失敗之後。2005年失婚的她從英國返港甚麼都沒有，阿蘇便許下承諾，金燕玲說：「我又有個女唔知點算好，佢就話：『等我照顧你！我冇咩可以畀你，同我一齊有個屋企畀你住，個女放假返嚟又可以住，唔使擔心交租！』」金燕玲自言不是攣的，但阿蘇直言鍾意她，會是她的Partner。結果用了6年時間去接受，金燕玲知道阿蘇會放她在第一位。即使早年阿蘇受類風濕關節炎之苦，仍堅持工作，更承諾要一生照顧金燕玲。
過來人曾患乳癌
阿蘇2005年曾患乳癌，今次金燕玲患病，她擔心之餘，亦以過來人身份照顧對方心靈及身體，並說：「收聲就係幫忙，要等佢冷靜做決定。」金燕玲於節目亦大讚對方說：「佢日日見我食乜、就Send畀我個妹同個女睇，等佢哋放心，因為我唔鍾意做呢啲。」又透露大前晚因為阿蘇跌落地而喊，她說：「因為我病，佢瞓廳好耐，要瞓氣墊吹氣床。（嗰日）佢幫我搽油，點知一坐坐咗落地，我好唔安樂，就喊。」
另外，阿蘇謂之前金燕玲吃甚麼都不是味兒，但於情人節用一個栗子蛋糕終氹得她很開心：「當時佢乜都唔啱，聞到食物味都想嘔，情人節嗰日，佢話要食栗子蛋糕，仲指明某一間，訂都要隔一日先有，我就打畀個好朋友，叫佢幫我，點知（真係）班到個，我哋情人節就喺度食栗子蛋糕，呢個係佢病之後第一次話好味，第一次唔鬧人。」金燕玲指今次患病令她知道很多人好錫自己，笑言現在想食甚麼就有人送來屋企。