韋家雄綠葉捱出頭 Fight低主角！
藝人韋家雄回到成長地華富邨，接受《娛場》節目訪問，經常笑笑口的他，原來曾經歷一段窮困的童年。自父親拋妻棄子後，13歲的他為了幫補家計，曾當非法童工賺錢，生活相當艱苦。他於1990年報讀亞視藝訓班入行，由幕後轉戰幕前，入行29年一直默默耕耘，終在2015年憑無綫劇《梟雄》「麥瀚林」一角奪得最佳男配角獎，他直言：「唔理係做主角抑或配角，每一個角色都係主角，唔好以為你係主角，我就Fight唔低你！」
畏高跳橋驚到震
畏高的他在無綫劇《談判專家》中嘗盡高空活動，最終因敵不過恐懼要向心理醫生求醫，他說：「有場戲我要喺天橋跳橋，我諗有七、八層樓高，我坐喺橋嘅出面，對腳踩唔到地面。當時監製仲讚我幾好戲，話見我塊面不斷震，我答佢其實我畏高㗎！」
拒靠名編劇阿哥
雖然哥哥是金牌編劇韋家輝，但韋家雄坦言從來不叨對方的光，誓憑實力闖出一片天：「如果你捱出頭，觀眾更加覺得有共鳴，你嘅努力大家看在眼內，好過覺得我係靠阿哥，咁樣會有反效果。」
https://bit.ly/2IUaNLO