同場睇時裝騷 陳瀅恨學楊紫瓊做打女

女星楊紫瓊、陳喬恩、陳瀅、《延禧攻略》順嬪張嘉倪、法國名導演洛比桑（Luc Besson）女兒Juliette Besson與星級造型師郭慶彬等齊集巴黎，出席當地時間4日舉行的「2019 SHIATZY CHEN夏姿．陳秋冬時裝騷」。陳瀅開心能與楊紫瓊同場，讚對方演得又打得：「佢係我演藝事業目標之一，荷里活有咁好成績，係亞洲人之光。」又表示自小學拳，希望將來似她一樣打得。提到楊紫瓊為演出不時受傷入院，會否嚇怕？她說：「唔會！每件事都要付出，我之前拍《黃金有罪》時有場戲要從三樓跳落嚟，我堅持親身上陣，身邊朋友都有問過使唔使咁搏，但當時我冇考慮咁多。」
楊紫瓊（左起）、張嘉倪與陳喬恩坐頭排睇騷，甚受重視。
楊紫瓊（左起）、張嘉倪與陳喬恩坐頭排睇騷，甚受重視。

陳瀅指今次巴黎之旅睇多場騷，完全感受到時尚氣氛，所學的法文亦終於派上用場：「我喺餐廳或同當地人傾偈都溝通到，啲同事都好意外點解我識法文。」

與品牌設計總監王陳彩霞十分老友的楊紫瓊專程撐場，對於早前小腿受傷而入院縫10針，她表示傷口已拆線，但遺憾會留下疤痕。她又讚花生騷好睇，秋冬設計既女性化，而且富運動感。

陳瀅與偶像楊紫瓊同場，坦言以對方為目標。
  • 陳瀅與偶像楊紫瓊同場，坦言以對方為目標。
洛比桑女兒透視裝搶晒Fo。
  • 洛比桑女兒透視裝搶晒Fo。
陳瀅與郭慶彬向設計總監王陳彩霞集郵。
  • 陳瀅與郭慶彬向設計總監王陳彩霞集郵。