吳業坤化身「結他老師」，表示很有滿足感：「自問彈結他都好『渣』，其實教人比自學結他更難，加上Wincy只彈過Ukulele（夏威夷小結他），Ukulele係四條弦，結他係六弦，完全兩樣嘢，所以係好大鑊囉！Wincy天資OK，見佢好快學曉，感覺我都完成咗個重大任務。」原來他亦有一個夢想，將於4月第二度踏紅館開演唱會的他說：「或者有個《我和星星有個約會》特別版，希望同陳奕迅合唱，或者佢做我演唱會嘉賓，咁就不枉此生。」
至於Wincy指與坤坤相處了兩個多小時，除被他「眉上蔭」新造型吸引，最感動是：「為咗抽時間教我彈結他，犧牲食晏同休息時間。佢主動撩我哋傾偈，仲同我食埋同一串燒賣，呢啲係好熟嘅朋友先做到。」