美國流行樂壇天后Katy Perry前晚亮相名嘴Jimmy Kimmel的清談節目，除了大騷影星男友奧蘭度布林（Orlando Bloom）送贈的訂婚鑽戒之外，亦首次講訂婚過程，大爆奧蘭度在直升機向她求婚：「嗰日係情人節，非常甜蜜，我哋去咗食晚飯，之後我以為我哋係去睇藝術展，但食完飯後，我哋上咗架直升機，佢喺直升機上叫我嫁畀佢，我哋之後喺一個天台降落，我全部嘅家人同朋友都喺嗰度，佢保密工夫真係做得好好！」
而Katy亦爆奧蘭度求婚「瘀事」，當時他準備從衣袋裏拎出戒指，但戒指盒卻卡在衣袋內，用力拉時，手㬹不小心撞倒一樽香檳而跌爛，令過程失去驚喜。