克勤怕老婆唔敢望
歌手李克勤剛完成美國及東莞巡唱返港，一向捱得的他大叫疲累，要休息兩日。他透露在美國巡唱時因時差兼休息不足，於東莞綵排吊威吔打轉後不停作嘔，晚飯也吃不下。他又請來好友關淑怡（Shirley）任東莞巡唱的嘉賓，女方穿低胸裝現身，大騷事業線兼肚腩，克勤即笑言怕被老婆鬧，只敢望對方的頭頂，Shirley即拿花束遮上身，並笑言：「怕畀咗啲唔應該睇嘅嘢畀大家睇，因為我有三舊腹肌囉。」期間相識逾30年的二人以港式英語對答搞Gag：「In my heart ! In our heart !」、「You know ! I know ! We Know !」
另外，克勤透露在美國巡唱期間遇上大風雪，工作人員要坐20多小時車才到演出場地，較平時多一倍時間：「我去咗洛杉磯買結他，避過一劫。我唱到一半都忍唔住感動到喊，因為我以為可能會少過一半人嚟睇。你諗吓，有人為咗聽你唱歌，冒住風雪坐咁耐車都嚟，真係好感動。」
