「牛女」陳煒出鼠招谷旺觀眾緣
藝人陳煒（煒哥）去年憑無綫劇《宮心計2深宮計》「太平公主」一角贏得《萬千星輝頒獎禮2018》「最受歡迎電視女角色」，事業當旺的她遇上有發揮空間的角色，在演藝路上無往而不利！肖牛的煒哥原來與老鼠最夾，所以朋友今年特別送她一個粉紅色的鼠形手袋掛飾，最適合女士配襯，煒哥說：「我攞咗嚟掛喺手袋度，裏面放咗師傅畀我嘅水晶石，包括利人緣嘅晶石以及旺財運嘅晶石，放晒喺身邊，希望有效！」
雲文子贈言：最啱大膽嘗試
玄學師傅雲文子表示：「陳煒子丑相合，丑為牛，子為鼠，所以陳煒非常適合佩戴老鼠飾物嚟加強運勢，而且肖牛今年嘅增運顏色係紅色，粉紅色就更加理想，呢個鼠形鎖匙扣絕對有助運勢，但要注意肖牛者喺犯太歲嘅年份就不宜佩戴。陳煒今年運勢非常強，時來運到，適合多元化發展，不同嘅晶石有不同催運效果，正有助多方面大膽嘗試，今年佩戴晶石重點有助人緣，亦係旺觀眾緣！」
