王君馨「守龍門」推遲做媽咪

意大利高級珠寶品牌BVLGARI前晚假香港四季酒店舉行「Wild Pop高級珠寶展」，多位名人紅星出席，場面星光熠熠，非常熱鬧，包括藝人王君馨（Grace）、賭王何鴻燊三房千金何超蓮、名模馬詩慧及女兒王麗嘉、Ana R.、Amanda S.、歌手姜麗文、鄺祖德、林愷鈴、名人曾昭亮、林心兒、李家彤、雷怡暉及藝人陳安立等出席，當中以Grace及超蓮的打扮最為性感，成全場焦點。

老公雕情信勁浪漫

佩戴名貴首飾的Grace，分外明艷照人，她直認睇中手上的名貴戒指，但笑言未負擔得起：「平時比較難戴，但如果配襯大會80年代主題，好似麥當娜造型嘅話就冇問題。（叫老公送？）我唔會畀老公咁大壓力。」並指老公送禮物不着重金錢，反而着重心思：「佢間中會送啲手工藝嘅嘢畀我，好似佢之前都送過一個手工藝十字架，係一啲比較有意思嘅嘢。我哋之前10周年，佢送過一個相架畀我，後面雕刻咗成封信畀我。」非常Sweet。

何超蓮以閃亮金裙配襯名貴首飾，高貴又優雅。	王麗嘉以懷舊髮型上陣，與型格十足的名模媽咪馬詩慧相映成趣。	已為人母的曾昭亮大騷修長美腿。

提到好姊妹岑麗香現時已佗B七個月，快將榮升媽媽，問到Grace何時有喜訊公布，她說：「苟芸慧要加油！我依家拍緊《唐人街》，有好多打戲，就算依家有BB我都Handle唔到，拍完呢套嚟緊又有一套要開拍，拍完要養番好個身體，我諗最快都要下年，所以我成日都話自己係守龍門。」

林心兒	Amanda S.的立體剪裁晚禮服相當搶眼。	去年誕下細仔的 Ana R.，忙於湊ＢＢ。

超蓮性感上陣

此外，何超蓮以Deep V打扮示人，盡顯身材。提到弟弟何猷啟早前宣布已婚，她表示當日有份觀禮，並幫忙安排攝影及服裝等，與弟婦Gigi相處愉快。提到她近日在社交網上載浸溫泉性感露背相派福利，慶祝追蹤人數有50萬，她指媽媽看完後十分生氣：「已經畀佢鬧咗啦，叫我唔好再Post呢啲相，所以我有100萬Followers都唔會再擺任何嘢。」而馬詩慧及王麗嘉母女檔上陣，王麗嘉以白色低胸裙亮相散發少女味。

李家彤以80年代超Deep V打扮，配合大會主題。	雷怡暉與鄺祖德趁機敍舊。	陳安立對場內珠寶甚感興趣。