利嘉兒彈薛芷倫過時 蔡一鳳代出頭：唔同Level
「Ball后」薛芷倫（Fanny）去年12月在港出席活動，以白色皮草配襯銀色BlingBling珠片低胸高衩裙、配以厚Platform銀色高跟鞋。日前，利嘉兒（Lily）公開評論當日其衣着「笨重過時」，扮高貴但裙和鞋略嫌有點過時，充滿60年代味道。Fanny看到評論後在網上發文反擊：「我穿上的是最新一季閃銀色晚裝系列，由一個對潮流全冇觸覺、有眼不識品牌的人，扮演潮流專家去批評別人，有點兒笑話吧？既然利嘉兒批評我這身衣着打扮『笨重過時』，不如請你親身示範一下你的高貴美麗輕盈入時Ball場打扮，大家交流一下，好喎！」
記者聯絡上Lily，她強調由頭到尾一直讚對方的衫好靚，只是鞋笨拙少少：「我從來冇懷疑過佢嘅潮流觸覺，亦無懷疑過佢『Ball后』之名。」至於早前傳與Lily姊妹情決裂的名媛蔡一鳳，在Fanny的發文下留言：「故意挑起是非嘅人係有意圖嘅，何必幫佢做宣傳，佢嘅時尚潮流同你唔係一個Level！」火藥味十足。
而Fanny受訪時寸利嘉兒的回應是「死兜」：「佢見到奧斯卡頒獎禮J.Lo都着銀色裙，就轉口風，以我既心得，當時我着白色皮草，襯尖頭鞋就太單薄，效果就會頭重腳輕。」又認為「笨重過時」字眼太盡、太傷人：「我係質疑佢嘅資格，佢話夢想做時裝設計師，吓，只要有夢想就可以扮專家去批評人呀？」
