孫慧雪出歌 囝囝陪唱做忠粉
藝人毛舜筠、孫慧雪（雪雪）及石詠莉（Sukie）昨日現身維特健靈慈善單車馬拉松2019，首次以歌手身份獻唱的雪雪心情緊張，指老公在電台聽到其新歌時大為感動，因沒想過她能成為歌手，至於兒子則是其忠實粉絲：「佢依家歲半，但已經識唱我首歌，每句歌詞嘅最後一個字都會嗌出嚟，可能聽我唱得多。」
石詠莉哮喘復發
而Sukie近日哮喘病發，帶病上陣表演：「會不停咳同喘氣，其實唱歌都唔可以，因為會傷聲，我之前嚴重到失聲。」她笑言唱得好聽，會被形容為耳朵懷孕，自嘲如今歌聲會讓耳朵墮胎。
毛舜筠則自爆曾發生過嚴重的單車意外：「當年我車速太快，上壆時成個人拋咗出去，膝頭爛晒，啲血流到落對襪，老公問我使唔使叫十字車，我怕搞到好大件事，最後自己踩番去，之後仲要去醫院放膿。」
