傅明憲潛水中招 臉腫如豬頭

藝人崔建邦及傅明憲等昨晨到主題樂園度假區出席慈善活動，剛從帛琉潛水返港的傅明憲說：「今次去咗一星期，尋晚（前晚）11點幾先返到，即刻去醫院，因為喺嗰邊畀啲海底生物掂到塊面，出現敏感，腫到好似豬頭咁！其實以前都試過畀水母炸到，如果唔係今日要見人，我都係搽吓敏感藥膏就算。」
傅明憲自爆甫返港落機便要往求醫。
傅明憲自爆甫返港落機便要往求醫。

而與女友帶同11個月大愛犬武藏現身的崔建邦透露，愛犬是從慈善機構收養回來：「佢啱啱返嚟時試過喺全屋大小二便，成道牆都係屎。我鬧佢，佢就用一隻染有屎嘅手掂我，當時真係想同佢分道揚鑣，最終梗係唔捨得啦！佢好為食，唔可以放雞髀同羊骨喺枱，真係日防夜防，家賊難防o架！（女友幫你照顧佢？）我照顧o架！我係閒人，佢要教書嘛！」

崔建邦與女友拍拖帶同愛犬出席活動。
  • 崔建邦與女友拍拖帶同愛犬出席活動。