黎瑞恩爆囝囝澳洲「失聯」

小恩子於農曆新年前帶同子女到澳洲學校寄宿，早前才返港。她出席活動時直認有點不捨得離開，但阿仔似乎好享受，她笑說：「我返到嚟打電話畀佢，佢冇聽，完全『失聯』，我要打畀老師叫佢搵我，佢最後聽完晒我啲電話錄音留言，只係回咗句『媽咪早抖』，激死我！」

不過，小恩子表示反覺放心，證明阿仔住得開心，問到兒子是否已習慣寄宿？她說：「有日我問佢做乜成隻『臘鴨』咁？冇沖涼呀？佢話沖涼地方有限，每人只得5分鐘沖，所以唔夠時間，不過適應咗之後，冇做『臘鴨』喇！」她又不禁自嘲：「佢哋去讀書，我口話輕鬆，其實係擔心，不過佢同房同學好有禮貌，近朱者赤，所以都放心啲。」

另外，活動上小恩子透露當年讀書時是泳隊，問她現時最叻是否打高爾夫球？她笑說：「好多球類我都得，滑水都唔錯，唯獨滑雪未得。」

陳炳銓舉沙包索晒氣

至於陳炳銓（Danny）即場與小朋友舉沙包比試體能，卻舉到索晒氣。事後他解釋閒時多數行山及玩越野賽，故較少鍛煉上半身肌肉，加上兩年前打籃球時令菠蘿蓋移位，所以避免玩有撞擊的運動，但又自爆近年去了學耍纓槍。問是否準備拍古裝？他說：「個個都咁講，其實有小學同學係武術世家，所以跟佢學吓，當物理治療。（捉埋女友李佳芯學？）冇，佢仲喺西藏，等佢休息下先。」