《Now TV童學玩動會》發掘子女運動潛能

《Now TV童學玩動會》將在復活節期間（4月19至21日）在中環海濱活動空間舉行，這個以運動為主題的大型親子嘉年華，園區內設有多個運動項目，例如「SPARTAN越野障礙賽道」、「Now Sports迷你足球主場」、「單車競技場」、「STEAM工作坊及攤位遊戲」等，還設置一個由運動醫學專家研發的運動測試遊戲「Kids Lab」，小朋友透過一系列遊戲模式的運動電子測試，分析出五種潛能，包括速度、手眼配合、平衡力、力量及靈敏度，亦會透過教練的觀察去評估小朋友的運動心理質素，最後還可獲得大會頒發的成績證書。

伍家謙自嘲平衡力差

前體育新聞主播伍家謙雖然未做老竇，但對「Kids Lab」非常有興趣：「我哋小朋友時都冇呢種測試儀器，有呢啲係好事，我啱啱去完北海道玩，玩一啲新玩意時，發現點解自己平衡力咁差，如果我細個時發現，就可以集中去鍛煉吓。」自嘲平衡力差的他力量度就不錯，因小時已打籃球，他說：「喺五種潛能中我冇邊項特別強，不過相信鍛煉能夠更進步，而且做運動對小朋友係好重要。」

放大圖片	放大圖片	《Now TV童學玩動會》發掘兒童運動潛力，將在復活節於中環海濱活動空間舉行。

謝德謙笑囡囡有攀石潛質

育有1歲大女兒的Now Sports小主播導師謝德謙則說：「如果唔係囡囡太細，我都想畀佢去『Kids Lab』玩，因發現個女好有Power，我同太太都認為囡囡大個後都係做運動員，但我唔想佢踢波，怕踢到『甲組腳』，但佢真係好大力，所以一係舉重、一係攀石，囡囡長期當我同太太係攀石牆咁爬上嚟。」他更笑言有興趣測試埋一份：「想睇自己速度、敏捷度、反應、手腳協唔協調。我對速度同敏捷度好有信心，因自己係守門員，更加要具備呢兩種條件。」

據知「Now TV 童學玩動會」場內的所有遊戲不另收費，Now TV的新客戶及現有客戶都有機會獲送出每張價值250港元的門票，詳情留意Now TV Facebook的公布。