潘敬祖鞋盒變儲物櫃半粒鐘搞掂！

歌手潘敬祖（Felix）除了創作歌曲了得外，原來閒時喜愛D.I.Y.，今次他化身「潘Sir」教大家用包裝盒或鞋盒製作儲物櫃，製作過程只需要30分鐘，他說：「好多時大家網購有好多包裝盒，又或者買鞋會有鞋盒，其實我哋將盒同蓋分成上下兩部分，再用紙角變成支柱作為支撐，用熱溶膠黐實佢哋，咁就可以整成一個儲物櫃。如果有發泡膠嘅話，仲可以喺盒入面整成間隔，女士們可以將護膚品分門別類。」

Felix坦言製作方法簡單，既可做到慳家之餘又不浪費：「我內心都係環保戰士，好多時會留番啲嘢研究整咩。（讀書時係咪美術好高分？）都OK高分o架！因為我爸爸係呢方面能手，所以我自細都畀佢感染到。」

將盒和蓋分成兩部分，用紙角做支柱作支撐，再用熱溶膠黐實，最後加上蓋。
  • 將盒和蓋分成兩部分，用紙角做支柱作支撐，再用熱溶膠黐實，最後加上蓋。
潘敬祖D.I.Y.儲物櫃，實用又環保。
  • 潘敬祖D.I.Y.儲物櫃，實用又環保。