陳松伶反串紮胸按鎮痛

陳松伶（右）與陳煒合作拍劇後成為好友。

松松、陳煒、江嘉敏、余德丞（Dickson）及陳瀅等昨日出席無綫劇集《福爾摩師奶》宣傳，期間與粉絲玩遊戲，場面熱鬧。專程返港宣傳的松松，爆陳煒比起拍攝時消瘦十多磅，故輕易抱起她，陳煒則解釋全因配合新劇《法證先鋒IV》的型格造型而減磅：「有啲壓力嘛！唔食嘢囉，又冇得瞓。」更指拍攝《福》劇時非常開心，經常開大食會，令她不自覺增磅，但羨慕松松雙腳依舊纖瘦。

「痛苦得嚟好爽」

松松自嘲雙腳瘦如牙籤，笑說：「拍嗰時一直幸福肥，依家就繼續幸福。」她在劇中有反串男裝戲份，需要紮胸配合，問到是否很辛苦？她說：「有少少痛，因為都發育完，所以要不斷按摩，好在劇入面我會用放大鏡，令大家睇落效果會幾好。（怕咗反串？）唔怕，痛苦得嚟好爽快，因為個妝唔使化咁行，只要顧住演出就得，我懶執妝嘛！」

陳瀅（右）、江嘉敏好有默契，動作一致。	小鮮肉呀！睇陳煒、松松姐姐翹住余德丞幾肉緊！	Fans見到松松姐姐好興奮。

余德丞：思貝成日好冧

而Dickson對於日前與緋聞女友蔡思貝補祝生日，並上載短片到社交網，他笑說：「之前大家唔得閒，冇刻意一齊過情人節，當日係情人節前一晚，冇諗太多。（思貝個樣好冧喎！）佢成日都好冧，做戲都係咁嘅樣。」再三強調只是好朋友。