馬國明加激情親熱戲

馬國明和黃智雯在劇中再續前緣，兩人笑言有重新戀愛的感覺。

無綫劇集《降魔的2.0》（暫名）演員馬國明、黃智雯、譚凱琪、胡鴻鈞、劉佩玥和C君等，昨日在將軍澳電視城出席開廠拜神儀式。馬國明和黃智雯再續前緣，故事是延續第一季，黃智雯笑謂兩人感情升溫，好像有重新戀愛的感覺。馬國明讚編劇將劇本寫得很好，續集不像新故事，人物與第一集有很強的連貫性。問到可有親熱戲？馬國明笑說：「我會加囉，梗係唔係蜻蜓點水式，要激情少少，我哋成熟，唔再係十八、廿二嘅戀愛。」

隨時開第三輯

問到劇集會否效法美劇一季一季延續下去？馬國明說：「我都有問過監製係咪想開第三輯，因為睇劇本結尾留咗好多伏線、好懸疑，但係監製就笑笑口冇答我。（想唔想再開？）都係睇監製、編審，如果個故事去到，自己唔介意。但身為演員，就唔係咁想拍續集，因為演新人物好玩好多，但係如果套劇唔受歡迎，亦都唔會開續集，所以心情好矛盾。」

C君寸翠如瞞婚

同場的C君提到向DJ女友黃天頤求婚成功，將於年底擺酒，他透露事先約了女友的一班朋友匿在家中，當求婚成功後，成班朋友突然衝出來，令女友相當感動。問到兄弟團有甚麼人？他笑說：「有一個人係都話要做兄弟，講咗幾十次，但係佢結婚我都唔知，飯都冇請我食，嗰個就係黃翠如，陸永亦都會做兄弟。」並指已經邀請鄭裕玲和黃子華出席婚宴，笑言是主要「人情」來源。

新加入的譚凱琪與馬國明亦有感情線。	劉佩玥和胡鴻鈞希望續集反應勝第一輯。	C君透露已邀請鄭裕玲和黃子華出席婚禮。
《降魔的2.0》台前幕後祈求拍攝順利。