藝人陳法蓉（Monica）與朱茵孖住現身好友原子鏸的婚禮，她們表示送了利是及無限祝福給一對新人。兩人都是第一次見摩洛哥籍新郎哥，大讚對方高大有型，真人靚仔過上鏡！
單身的Monica開玩笑指會經常在場內走動，好讓異性接近自己，問她會否接受跟外國人拍拖？她坦言：「都可以，我以前都同過外國人拍拖，係講緣分。」至於朱茵可有為好姊妹介紹男仔？她稱Monica對此很抗拒，Monica說：「係！以前有朋友試過，一知道佢介紹畀我，我就好唔舒服，除非介紹個情形係偶遇到連我都唔知。」
