張晉攬蔡少芬晒恩愛：好似我哋結婚咁！

藝人蔡少芬（Ada）與老公張晉昨日到賀，合照時Sweet爆，Ada輕倚老公，連張晉都忍不住說：「好似我哋結婚咁！」張晉坦言自己認識原子鏸在先，因為多年前合作過，估不到友情保持至今，更可出席對方婚禮。Ada又問老公有何相處之道可與一對新人分享，張晉說：「佩佩姐識教o架啦！平輩唔應該做呢啲嘢！」Ada即說：「冇所謂嘅！結得婚就覺得嗰個人最適合自己，大家一齊開心就得。」二人以禮金祝賀新人，讓他們買自己喜歡的東西。