「大小姐」林淑敏有得留低 網民安心晒！

林淑敏大派定心丸，指劇本有她的戲份。

而早上林淑敏則聯同許家傑、李偉健、歐瑞偉、周嘉洛和林凱恩等出席盆菜宴。嘉洛被問到劇中拍檔鄺潔楹（Judy）和凱恩均人氣急升，近日甚少在劇中露面，問他會否轉移目標與吳偉豪搞HeHe情？他笑說：「有時演到自己都驚，驚太投入，但又未去到抽離唔到。（添食劇情會係點？）我知自己能力，希望唔好寫走我啦！」

歐瑞偉忍口騷肌

至於發福不少的歐瑞偉，透露將為新劇《唐人街》拍攝騷肌戲份，故新年期間要忍口Keep Fit。談到劇集添食，是否望超越劉丹拍1138集《真情》？他說：「其實我個角色由第一輯拍到依家第四輯都有，應該都過千集，不過丹爺永遠係我榜樣，千祈唔好過佢。」

李偉健爆歐瑞偉（右）豬籠入水。

「朱凌凌」吳偉豪（左）、「安仔」周嘉洛和「Bonnie」林凱恩湊成嬲字。