藝人李蘊的兩歲大女兒晞晞不幸染上甲型流感，為免細仔被傳染，她迫於無奈與女兒隔離，帶同細仔搬到酒店暫住，坦言為女兒的病擔心得哭起來。
最近流感肆虐，李蘊的女兒羅紫晞（晞晞）亦染上甲型流感，她昨日在社交網上載一張戴上口罩與囡囡的合照，留言指因為怕細仔會被傳染，所以暫時要跟囡囡分開一段時間，並分享牽掛之情：「唉，啱啱睇醫生，我個女甲流。因為傳染性太高，我依家要帶小新（細仔）去酒店住。晞晞，你要乖乖食藥快啲好番知唔知？媽媽要幾日後先可以見到你。每日要視像十次。」
身在廣州的李蘊接受電話訪問時說：「晞晞發高燒到39度，又咳又鼻水，我都唔知佢喺邊度感染，好在佢未返學，所以唔使擔心返學嘅問題。」由於細仔僅五個多月大，為免大女傳播病菌，故要忍痛跟囡囡分開住，她說：「我同囝囝要去酒店暫住先，因為我要餵人奶，唔可以病，囡囡就交由老公同我阿媽照顧，好在囡囡係跟我阿媽瞓，所以佢都冇唔慣，我阿媽都要小心啲，要戴住口罩湊阿女。」
問是否很掛心囡囡？「係呀！醫生話至少要隔離五日，我只可以陪睇醫生時先可以見個女。（你有冇喊？）有呀！唔係因為唔捨得，係擔心到喊，醫生開咗啲特效藥畀佢，要我留意住佢發燒情況。」