張家輝嘆林嶺東「遺作」無緣面世

林嶺東的喪禮早前已低調舉行，昨日其生前好友包括追思會籌委杜琪峯、徐克，以及張家輝、古天樂、任達華、黃秋生、張耀揚、葉蒨文、郭藹明、關錦鵬與陳木勝等，現身中環出席追思會。大會向在場人士派發紀念冊，封面印有林導戴太陽眼鏡的歡顏照。

張家輝分享與林導的往事：「以前我住喺佢隔籬，但彼此唔太了解，直至去年佢想開部文戲，講一個警察嘅態度及做人宗旨，正正係佢前半生嘅領悟，我畀佢揀中咗。去年底嗰幾個月，我哋不時開會傾偈，彼此了解咗好多。」他坦言接到對方死訊時，心情複雜：「覺得冇咗個好朋友、好導演，同時亦冇咗個好Project，成套戲即刻叫停，冇晒一切。（幫手完成埋佢？）呢個係佢個人對人生嘅領悟及睇法，冇人可以操控到。」

杜琪峯傷痛難磨滅

而杜琪峯代表追思委員會及林導家屬，向傳媒致謝意：「知道大家都好關心阿東，佢生前好熱愛電影工作，但私生活簡單而低調，所以早前嘅喪禮根據佢家人嘅安排。今次追思會，係想大家記得同佢開心嘅日子，佢太太將佢剩低嘅酒攞出嚟同大家分享。」問到是否已走出傷痛？他坦言：「冇得好，大家由1973年開始認識，45年嚟冇試過失去聯絡。我哋幾個導演合作嘅《八部半》，佢嗰部分經已完成，大家嚟緊可以喺佢嗰十幾分鐘短片內，欣賞林嶺東最後嘅作品。」

手持紀念冊的任達華，大讚林導對電影界的付出。	追思會上，眾人舉杯暢飲之餘更有演唱環節。	大會派發林導的紀念冊，內裏印有不少其語錄。

任達華改機票出席

至於忙拍戲的任達華特意向劇組請幾小時假，改機票來追憶好友，相當有心。他指林導生前理財有道，故其家人經濟方面不用幫手。

杜琪峯不捨摯友，強顏歡笑。	當日得知死訊激動爆喊的張耀揚，收拾心情懷念恩師。	曾合作的台灣藝人張孝全亦特意來港致意。