Dry足9年！巴西女猴擒狂咀許廷鏗嚇到硬軚
歌手許廷鏗昨日為三月於紅館舉行的《許廷鏗再見智慧齒演唱會2019》出席記者會，表示海報的嘴邊唇印概念是由林海峰設計，且爆對方曾表示：「大家以為你係處男。」而大會特別安排一名外籍女郎登場，主動與許廷鏗咀嘴，令他當堂硬軚表現尷尬。
從未公然接吻
他受訪時心情激動，仍未回過神來，更笑言：「未試過同外國人有咁親密嘅行為，亦未試過咁多人、咁公然，連螢幕初吻都未有，我都Dry足8、9年。（現實中有初吻嘞啩？）中學同鄰校女生，不過真係好尷尬，頭先台後我同個女仔講：『Welcome to Hong Kong！』佢原來嚟自巴西。」
好友優先睇牙
談到處男問題，許廷鏗未有正面回應，只笑言：「咁我都係有人生閱歷嘅人。（好多經歷？）有啲啦。（快啲脫單？）都係紅館行先，要諗都四月後嘞。」記者會上更播出汪明荃、鄭裕玲及謝安琪等的打氣片段，當中謝安琪笑說：「你仲食肥膩嘢唔操Fit自己，我就攞藤條『Fit』你！」許廷鏗直言要多謝圈中好友幫手：「佢哋嚟睇牙，隨時都得！」