張敬軒出寫真引人買碟

歌手張敬軒昨日在旺角唱片舖宣傳，以行動支持實體唱片業，更花一千元購買CD，支持自己及其他歌手。軒仔表示早前在頒獎禮獲得至尊大碟獎，最近更在唱片榜榮登多個星期銷量冠軍，在唱片業低迷時期有此好成績十分難得，他說：「依家愈嚟愈少人買唱片，有00後同我講，專登買CD機聽我嘅碟，係唏噓嘅。」
張敬軒現身旺角，大批Fans到場支持。
張敬軒現身旺角，大批Fans到場支持。

軒仔直言近年新人歌手主力推出數碼唱片，令他感到可惜，惟他堅持出實體唱片：「聽音樂都係要質感，好似拍拖咁，出實體碟係我自己對自己、同埋公司對我嘅肯定，不過假設一隻碟批發價大約100蚊，賣一萬隻，收100萬，但我哋成本都唔止，依家錄一隻歌十萬蚊走唔甩，我隻碟仲有埋相集，一把年紀仲出寫真，都係想吸引多啲人買碟啫！」

軒仔走勻多間唱片店買實體碟。
  • 軒仔走勻多間唱片店買實體碟。