農夫冇捱鬧嫌周星馳太仁慈

周星馳賀歲作《新喜劇之王》邀請農夫聲演，陸永與C君出名轉數快又幽默，與周星馳初次合作已一拍即合，獲讚平、靚、正，更搭晒膊頭！以往多次與鄭裕玲合作的農夫，今次面對出名嚴厲的周星馳，反而笑說：「講惡係冇人類可以同嘟姐媲美，星爺都冇鬧過我哋，佢對我哋太仁慈！」又表示在對方身上獲益良多，C君說：「佢會循循善誘，不斷問你意見，畀我哋自由發揮，喺佢嘅提問中會學到好多。」陸永則讚嘆：「佢有時會為我哋示範點配，賺咗好多經驗！」