黃智雯黑Bra谷盡胸贏王麗嘉
藝人黃智雯（Mandy）與名模馬詩慧的幼女王麗嘉（Irisa）昨日出席活動，Mandy以黑Bra襯黑絲性感上陣，露3吋「事業線」撼Irisa！她坦言平日較少作性感打扮，今次趁機騷身材：「過多幾年就冇咁嘅勇氣，就好似我之前參加真人騷節目，試多啲唔同嘅挑戰。（男朋友有冇過目？）都係工作，出到嚟感覺係健康性感，佢冇特別畀太多意見，好尊重我嘅工作。」
Irisa靠阿媽接Job
其真人騷節目《一個因去跳舞》近日熱播，她坦言拍攝時很辛苦。問到香港藝人出道前訓練較少，相比韓國藝人會否覺得不專業？她說：「唔會，我都好尊重韓國人有系統嘅訓練，香港藝人都有特色，所以當自己係小學雞，仲係BB班。（你有舞蹈底子，畀老師話有冇唔習慣？）要放低藝人身份，以前學跳舞都好似白紙咁畀人評論。」
同場的Irisa雖然谷出「事業線」，但造型較平日的社交網照片密實，她笑說：「喺街度走來走去，又費事着到咁！」去年大學畢業的她全職做模特兒，現時由媽媽代為接洽工作。