Cara G.搵奶粉錢Freelance照殺
名模Cara G.昨日現身大埔超級城出席《金豬報喜迎新春》活動，並透露新年願望是BB健康出世。談到農曆新年將至，她指計劃與家人露營，無懼天氣寒冷：「依家大肚成日都會覺得熱，之前去Camping熱到要走出個帳篷透氣。」問到會否認為BB給予她福氣？她說：「當然，所有嘅小朋友都係上天畀嘅祝福。」又指雖然現時佗第三胎，但自言儲錢好叻，生完後仍會接Freelance工作，努力搵銀。
同場的名模Ana R.則透露將與親友舉行BBQ派對，炮製中菜及與女兒製作裝飾賀新年，更表示「封肚」不再生小朋友。而藝人莊思敏則希望新年可成為一隻「豬」，食得、瞓得和有人養！
