軒仔越南開舖 隨時買埋樓
歌手張敬軒昨日以代言人身份出席電訊公司活動，並與幾位「撞樣兄弟」分享拍廣告點滴，笑指欲與他們組成「冚家軒」向樂壇進發，不過否認酬勞將由他一人獨吞，笑指眾人也會有相應酬金。他更笑言稍後會有下一步計劃：「今年想喺國際方面搵同自己撞樣嘅人，之前搵到嘅都有保持聯絡，間唔中都有約食飯，希望之後會多啲合作。」
舉行巡唱
談到今年的工作安排，軒仔表示會在不同地方舉行巡迴演唱會，馬來西亞為首站，香港則安排於11月舉行，並透露今年中會到越南逗留一段時間：「我好想開發當地市場，好似開餐廳咁，所以去年底都有搵老師學越南文，其實都出過首越南版本嘅歌，不過冇人聽得明啫。」
當地多機遇
問到為何揀越南創業？他說：「聽朋友同自己觀察，覺得呢個地方好多機會，其實好多商家同唱片公司都進駐咗越南好多年。（會唔會喺越南置業？）如果工作要長期留喺度可以諗，因為喺香港買一個細地方嘅錢，當地已經可以買豪宅。」