請舊愛做嘉賓?陳曉東:唔打擾佢!

歌手陳曉東昨日為3月9日的紅館演唱會舉行記者會,大會播出曾與東東合作的藝人片段,當中有舊愛張栢芝及李彩華,東東睇完後問:「合作過嘅唔只咁少,剪得幾個?」問到是否會請栢芝做個唱嘉賓?他說:「你哋諗多咗啦!(佢嚟唔嚟?)未必,佢生活上正係Fresh Start,需要多啲空間,我諗唔打擾佢啦!」問到會否有神秘嘉賓?他笑說:「有啲神秘嘉賓想請,但未講住。」

講到太太仍在北京,令他湯水欠奉,他大呼:「係啦!好齋,筋骨都硬晒!(冇太太做骨妹幫你按摩?)係呀!佢幫我按摩鬆骨,精油開背。」個唱今日開賣,東東稱內部訂票及預售已爆滿,今次檔期緊,只得一場,加場機會微,問會否準備再入紙申請明年檔期開Part 2?他笑說:「承你哋貴言!」